آپ سے کرپشن سے متعلق سوال ہوتا ہے تو آپ اداروں پر چڑھائی شروع کردیتے ہیں

وزیراعظم عمران خان کے معاون خصوصی برائے سیاسی روابط شہباز گل نے احسن اقبال پر جوابی وار کرتے ہوئے کہاہے کہ آپ کا ہر پراجیکٹ کرپشن کی جیتی جاگتی تصویر ہے۔احسن اقبال کے بیان پر ردعمل دیتے ہوئے شہباز گل نے کہا کہالزامات کا جواب دینا ن لیگی اپنی شان کے خلاف سمجھتے ہیں۔انہوں نے کہا کہ آپ سے کرپشن سے متعلق سوال ہوتا ہے تو آپ اداروں پر چڑھائی شروع کردیتے ہیں۔وزیراعظم کے معاون خصوصی نے کہا کہ آپ کا ہر پراجیکٹ کرپشن کی جیتی جاگتی تصویر ہے، اصل مسئلہ چیئرمین نیب سے نہیں کرپشن پر پوچھے گئے سوالات سے ہے۔انہوںنے کہاکہ میاں صاحب نے اپنے اردگرد ارسطو اعظم جیسے کرپشن کے مہا رتھی رکھے ہوئے تھے۔شہباز گل نے کہا کہ آپ کی مال بنانے کی ہوس نے آپ کو یہاں تک پہنچایا ہے، آپ پر تو نارووال اسپورٹس سٹی کمپلیکس منصوبے کی تعمیر میں خردبرد کا الزام ہے۔انہوں نے کہا کہ ملتان، سکھر موٹر وے پراجیکٹ میں قومی خزانے کو 137 ارب کا ٹیکا لگانے والے آپ ہی ہیں۔

جواب دیں