جوبائیڈن کے آتے ہی عمران خان کا تختہ اُلٹنے کی پیشگوئی کر دی گئی

لاہور (نیوز ڈیسک) اپوزیشن کی ساری سیاسی جماعتوں نے پی ڈی ایم کے پلیٹ فارم سے اپنا پورا زور لگا کر دیکھ لیا مگر عمران خان کی حکومت ٹس سے مس بھی نہیں ہوئی۔اپوزیشن عمران خان کا استعفیٰ تو کیا اس کے کسی ایک وزیر کا استعفیٰ لینے میں بھی کامیاب نہیں ہو سکی۔تاہم حیرانی کی بات یہ ہے کہ پاکستانی کی اپوزیشن تو عمران خان کو اقتدار لینے کے لیے ہٹانا چاہتی ہے مگر امریکی اسٹیبلشمنٹ کی طرف سے بھی پاکستان کی موجودہ حکومت کو ہٹائے جانے کے خواب دیکھے جا رہے ہیںسینئر صحافی ہارون الرشید نے اپنے پروگرام میں گفتگو کرتے ہوئے کہا کہ امریکہ کے نو منتخب صدر جوبائیڈن کے دور حکومت میں عمران خان کی حکومت کا تختہ الٹ دیا جائے گا۔یہ سازش تیار ہو چکی ہے اور امریکی اسٹیبلشمنٹ اس کام کے لیے تیار ہے۔ہارون الرشید نے کہا کہ اس کام کے لیے ن لیگ،مولانا فضل الرحمان اور بائیں بازو کی نام نہاد این جی اوز شامل ہے۔پروگرام کی اینکر ثروت ولیم نے ہارون الرشید سے زور دے کر سوال کیا کہ یہ آپ کیا بات کر رہے ہیں یہ کیسے ہو سکتا ہے کہ امریکہ عمران خان کی حکومت کو کیوں ختم کرے گا تو اس پر ہارون الرشید نے جواب دیتے ہوئے کہا کہ میں بات نہیں کررہا میں خبر دے رہا ہوںمیں پورے وثوق سے کہتا ہوں کہ میرے پاس یہ خبر آئی ہے کہ امریکی اسٹیبلشمنٹ جوبائیڈن کے دور حکومت میں عمران خان حکومت کا تختہ الٹنے کے لیے تیار ہے اور ا س کا پلاٹ بھی بنا لیا گیا ہے اور خیال کیا جا رہا ہے کہ امریکہ میں مقیم یو این او کا شخص حسین ہارون پاکستان کے اگلے متوقع وزیراعظم ہو سکتے ہیںتاہم انہو ں نے یہ بھی کہا کہ ایسا ہو نہیں سکتا کیونکہ پاکستان کی آرمی امریکہ کو کچھ بھی ایسانہیں کرنے دے گی نہ تو پاکستان کے نوجوان اور نہ ہی عمران خان کے چاہنے والے خاموش بیٹھے رہیں گے۔عمران خان ماٹھا وزیراعظم نہیں ہے کہ وہ ہتھیار ڈال سے گااور خاموشی سے بیٹھا رہے گا بلکہ وہ اپنے حق کے لیے لڑے گااور میں بتا رہاں ہوں کہ امریکہ کا یہ پلان کبھی بھی کامیاب نہیں ہو سکے گا۔