سٹس(ر)عظمت سعید کو ارب پتی بننے کی آفر مقدمات میں کلین چٹ کے بدلے بھاری پیشکش کرنیوالے شخص کا نام بھی سامنے آگیا

سینئر صحافی اور تجزیہ کار عارف حمید بھٹی نے نجی ٹی وی پروگرام میں بات کرتے ہوئے کہا ہے کہ کیا میں بتا دوں کہ جسٹس (ر)عظمت سعید کو کس بندے کے ذریعے بھیجا گیا ہے؟ میں لاہور میں سیاست کرتے کرتے بوڑھا ہو گیا ہوں۔ کیا میں بتا دوں کہعظمت سعید اور آصف سعید کھوسہ کے بھائی کو امریکہ سے کس نے بلایا؟ ناصر کھوسہ کو بھی امریکہ سے بلایا گیا تھا۔انہوں نے انکشاف کیا کہ جسٹس (ر) عظمت سعید کے پاس نواز شریف نے تین لوگوں کو بھجوایا اور انہیں ارب پتی ہونے کی پیشکش کی گئی ۔ عارف حمید بھٹی نے مریم نواز کو تنقید کا نشانہ بناتے ہوئے کہا کہ وہ جے آئی ٹی جس میں عدلیہ اور دیگر اداروں کے افراد بھی شامل تھے اس پر سوال اٹھائے گئے اور کہا گیا کہ حکومت کو ایک سازش کے تحت گرایا گیا تھا ، تو کیا یہ اداروں پر الزام عائد کر رہی ہیں؟ پہلے یہ کہہ رہی تھیں کہ حقائق میڈیا پر لائے جائیں گے، ان کے پاس کیا حقائق ہیں؟ تجزیہ کار عارف حمید بھٹی نے کہا کہ اگر جسٹس (ر)عظمت سعید نے نام بتا دئیے کہ کس کس بندے نے نواز شریف کی جانب سے کیا کیا پیشکش کی تھی تو پھر بھونچال آ جائے گا۔یاد رہے کہ وفاقی کابینہ نے براڈشیٹ معاملے کی تحقیقات اور اس سے ناجائز فائدہ اٹھانے والوں کے تعین کے لیے 5 رکنی انکوائری کمیٹی تشکیل دی تھی اور اس کی سربراہی جسٹس (ر) عظمت سعید کو سونپ دی تھی۔ لیکن ن لیگ کی جانب سے اس کمیٹی کو سختی کیساتھ مسترد کردیا گیا تھا۔